Chorale Ukuboko kw'Iburyo, ADEPR GATENGA-Kigali, Rwanda - Indirimbo

Indirimbo zigize Album 1 ya Chorale Ukuboko kw’Iburyo

1.URUKUMBUZI

URUKUMBUZI, URUKUMBUZI RURAMARA RUKANYICA RUKANZONGA. RWO GUKUMBURA UMUKUNZI YEWE YESU WE URI UW’IGIKUNDIRO NDAGUKUMBUYE NDAGUKUMBUYE. YEWE YESU NDAKUMBURA NKAGUTINDAHO, KUGUTEKEREZA BIKANTWARA UMWANYA, IYO NKUKUMBUYE NTYO AMARIRA ABUNGA MU MASO, UBWUZU BUKANSABA UMUTIMA, NKATERURA INDIRIMBO NGO NKURIRIMBIRE

NJYA NKUMBURA UMUNSI TUZABONANA, NIBAZA UKO NZABYIFATAMO BIKANYOBERA, NI UKURI INYIFATO NZIFATA YARANYOBEYE, NIMBONA UMUKUNZI, NIBA NZATERA INDIRIMBO UWO MWANYA SIMBIZI, NIBA NZATERA AKARURU K’IBYISHIMO SIMBIZI, NIBA NZAHITA MUHOBERA UWO MWANYA SIMBIZI, ICYO NZAHATWA N’URUKUNDO MUKUNDA NICYO NZAKORA

NKUMBUYE UBURANGA BWAWE, NKUMBUYE KUZASANGIRA NAWE, NKUMBUYE IKIGANIRO TUZAGIRANA, NKUMBUYE KUZATEMBERANA NAWE MU IJURU UNYEREKA UBWIZA BWAWE. NZAKURIRIMBIRA NAWE UNDIRIMBIRE, YEWE YESU WE, NZAKURIRIMBIRA NAWE UNDIRIMBIRE, YEWE YESU WE YEWE YESU WE. NZAJYA NIRATIRA IMBERE YAWE NKINAGIRA NK’INYANA AH, NKUHIMBAZA NKURAMYA, NZAJYA NTEGA AMABOKO N’AKADIHO NZAJYA NKACINYA. KIMWE CYO BENEDATA NJYEWE NDIMO KWITOZA.

CHORUS: OH YEWE YESU WE, NDAGUKUMBUYE

2. AMARASO

CHORUS: AMARASO Y’UMUCUNGUZI, NIYO SOKO YOZA ABANDUYE,

NTACYAMPA GUKIRA, NK’AMARASO YAWE YESU

AMARASO YAWE YESU, NIYO YANKIJIJE, AMARASO YAWE YESU NIYO YAMBATUYE, AYO MARASO YAWE YANKUYEHO URUBANZA RW’IBYAHA, AYO MARASO YAWE YANDUTIYE IBITAMBO, KUBWAYO NDASENGA, KU BWAYO NDASINGIZA, KUKO AYO MARASO YAMBEREYE MEZA, MEZA, MEZA

NARI KURE Y’AMASEZERANO NTA BYIRINGIRO BY’UBUGINGO, ARIKO AMARASO YA YESU ANYIGIZA HAFI Y’IMANA, NINDE WUNDI WARI KUNCUNGURA, IYO YESU ATITANGA, NONEHO UBU SINKICIRIWEHO ITEKA, NONEHO UBU NABAYE UMURAGWA W’IJURU.

3. YESU NI INGABO

YESU NIWE NGABO YANJYE IJYA INKINGIRA, YESU NIWE NGABO YANJYE IJYA INDENGERA, IYO MPUYE N’IBIBAZO ARANDWANIRIRA, YESU NIWE NGABO YANJYE IJYA INKINGIRA.
NTIYITA KU BICUMURO BYACU NGO ATUREKE, NTACYO AHERAHO NGO ADUKIZE NI URUKUNDO AGIRA, IYO UMWEMEREYE GUSA ARAKURWANIRIRA, YESU NIWE NGABO YANJYE IJYA INKINGIRA.
ABAMWIRINGIYE BAMEZE NK’UMUSOZI SIYONI, UTABASHA KUNYEGANYEGA AHUBWO UHORA UHAMYE, KUKO ARI MU RUHANDE RWACU ARATURWANIRIRA, YESU NIWE NGABO YANJYE IJYA INKINGIRA.

YESU KRISTO NI UMWAMI, YESU NI UMWAMI X3

YARANESHEJE

4.NIMBONA YESU

NIMBONA YESU NZANEZERWA, NTEKEREZA KO NTAZAHUMBYA AMASO YANJYE DORE KO ARI UBWAMBERE NZABA MUBONYE NAMWIZERAGA NTARAMUBONA. NIMARA KUBONANA NAWE AZAMPA IKAZE ANSEKERA NIMUHOBERA KUMUREKURA BIZANGORA, BIZANGORA. IBY’IKANZU NZAMBARA NZIKO IHARI, NZIKO IHARI, IBY’AMAKAMBA NZAMBARA NZIKO ATATSE ATATSE NEZA, ARIKO IBYO NZABYITEGEREZA NYUMA YO KUREBA UMWAMI WANJYE, NZAREBA IBIGANZA BYE, NZAREBA IBIRENGE BYE, NZAREBA ZA NKOVU, NZAREBA ZA NKOVU.
NJYE UBWANJYE SINZATUZA NTAMUBAJIJE ICYATUMYE ANKUNDA, TUZABA TUGANIRA DUSEKA DUSEKA DUSEKA,

IJWI RYE RYIZA RIZANEZEZA IBYISHIMO BIZANSAGA, AZAJYA NYUZAMO AMPAMAGARE RYA ZINA RYIZA RISHYA.

SINZONGERA KWITWA DENISE UKUNDI, SINZONGERA KWITWA NDAGIRO UKUNDI, SINZONGERA KWITWA BENIGNE UKUNDI, SINZONGERA KWITWA SETH UKUNDI.

TWESE TUZAHINDURIRWA AMAZINA DUHABWE AMASHYA MEZA.

TUMAZE GUSESEKARAYO UBWO YESU AZAFATA IJAMBO YA MIBABARO YOSE NAGIZE NI UYU MUGENI NASHAKAGA. DATA WA TWESE NABONA UWO MUKAZANA WE AZADUHOBERA ASEKA ASEKA ASEKA. IBAZE GUSEKERWA N’IMANA UBWO SE TWE TUZASEKA DUTE TUZANEZERWA ITEKA ITEKA ITEKA RYOSE

5.IMIBABARO

CHORUS: NIMUMARANISHANYE IMIBABARO KUBWIRANA AYO MAGAMBO X4

BWIRA ABANTU AMAGAMBO YURURUTSA UMUTIMA UBAMARE UMUBABARO, ABARIRA BAGANYA BAMENYE KO AJE KUBAHOZA, BASHIRE UMUBABARO KUKO IBYO AJE KUBAGIRIRA ARI AMAHORO GUSA UBAMARE UMUBABARO
BWIRA INGUMBA INCIKE IMFUSHA KO UWITEKA AZIGARUKIYE, KUZIMARA UMUBABARO, IMBABARE, INTABWA IMBOHE NAZO KO ZIBABARIWE AZIMAZE UMUBABARO KANDI KO NAZA GUTABARA NTAWE UZAMUTANGA IMBERE AMAZEHO UMUBABARO

6.GUTABARWA

NDI KUMVA NDI KUREBA X2

NDI KUREBA GUTABARWA X2 NDI KUMVA INUMA ZIGUGUZA, NDI KUMVA INKOKO ZIBIKA KO BUKEYE, NDI KUMVA INDIRIMBO ZO MU MUSESO, NDI KUMVA IMIRINDI Y’ABATABAZI, NDI KUMVA GUTABARWA, NDI KUMVA GUTABARWA.

NIMUKORE AMAHAMBA, MUBIBWIRE N’ABANDI BOSE KO VUBA TUGIYE KWAMBUKA, KO VUBA TUGIYE KWAMBUKA. NIMUHUMURE NTACYO TUKIBAYE NIMUKOMERE GUPFA KO NTITUGIPFUYE GUTABARWA KURADUSATIRIYE GUTABARWA KURADUSATIRIYE. ABAHANGAYITSE KUKO BABUZE ABABO, ABASHAVUJWE N’UKO BABUZE UKO BAGIRA ABATABIZI BICWA NO KUTABIMENYA NIMUKOMEZANYE HARIHO GUTABARWA.
NIMUZE DUFATANE URUNANA TWESE UHAGAZE YIRINDE ATAGWA ATAGEZEYO, ABANANIWE TUBAFATE MU MUGONGO ABACUMBAGIRA TUBASINDAGIZE, DUTERENE INGABO MU BITUGU, DUTERANE INGABO MU BITUGU. KUNGOMA YA KRISTO NTA BYAGO BIBAYO, NTA NDEMBE NGO HARI IBITARO BIB AYO, NTA BITURO KUKO NTA RUPFU RUHAGERA, NTA NZU Z’IMBOHE KUKO NTA MBOHE ZIBAYO, NTA MPFUBYI NGO HARI IBIGO BIZIRERA, KU NGOMA YA KRISTO NI AMAHORO

NDI KUMVA NDI KUREBA X2 NDI KUREBA GUTABARWA X2

7.TURI HAFI GUTAHA

TURI HAFI GUTAHA TUKIGERERA IWACU MURI GAKONDO Y’ABERA KANDI MU GIHE GITO TUZAJYAYO, UFITE IBYO BYIRINGIRO NIYIBONEZE, KUKO NTA CYANDUYE CYOSE KIZAGERAYO.

CHORUS: ARAJE YESU ARAJE X2, MWESE NIMUZE TUMUSANGANIRE

IWACU WE EH, NTIHAZABA IBIMUGA, NTIHAZABA IBIRAGI, NTIHAZABA

IBIPFAMATWI, IYE EH TWESE IWACU TUZABA DUSA.

HAKURYA YA YORODANI NI HEZA HARATUJE NTA MARIRA AHAGERA CYANGWA KWIBAZA KUBY’IMIBEREHO NJYA NGIRA URUKUMBUZI NKIFUZA KUGERAYO ICYAMPA YESU AKAZA VUBA ADATINZE
HARI INDIRIMBO ZATEGUWE ZIZARIRIMBWA NITUGERAYO ABERA TWATERANYE, NZAFATA INANGA YANJYE NYICURANGE NITERE HEJURU NCINYE AKADIHO, NZABA NYUZWE EH NZABA NEZEREWE, KUKO NTAZONGERA KUBABARA.

8. UMUKUNZI

NJYA NICARA NKATEKEREZA, UMUKUNZI WANJYE UMUKUNZI WANJYE, KOKO URI MWIZA MUKUNZI WANJYE, NI UKURI URANEZEZA. UMUTAPUWA, MU BITI BY’ISHYAMBA NIKO UMUKUNZI WANJYE AMEZE MU BAHUNGU

UMUKUNZI WANJYE ARERA, KANDI ACYEYE MU MASO, NI INYAMIBWA IRUTA ABANTU INZOVU,

CHORUS: UMUTWE NI NK’IZAHABU NZIZA, UMUSATSI WE URATSIBYE, URIRABURA AH

NK’INTUNTU

UMUKUNZI WANJYE AMEZE NK’ISIRABO CYANGWA UMUCANZOGERA W’IMARA, NICAYE MU GICUCU CYE NEZEREWE AMATUNDA YE YARANDYOHEYE

IBIGANZA BYE BIMEZE NK’IMPETA Y’IZAHABU NZIZA YASHYIZWEMO

TARUSHISHI. UMUBYIMBA WE UMEZE NK’IHEMBE RY’INZOVU RIBAJWE

RYASHYIZWEMO UTUBUYENGE TWA SAFIRO

AMASO YE AMEZE NK’AY’INYANA ZIRI KU MIGEZI YUHAGIJWEMO AMATA KANDI ATEYE NEZA. MU MISAYA YE HAMEZE NK’AKARIMA K’IMIBAVU IMIKINGO ITWIKIRIWE N’UBURABYO BUHUMURA. IMINWA YE IMEZE NK’IMYANGANGE ITONYANGA, ISHANGI ISHANGI IYAGIRANA.

UKO AMEZE ASA N’IREBANONI X3 IH IREBANONI

9. AMAHEMA

AMAHEMA YAWE MANA NI MEZA, ABAHAGEZE BARAHARUHUKIRA, ABASHONJE BAHABONERA IBYO KURYA, IYO MPAGEZE UMUTIMA WANJYE UGUBWA NEZA MANA KUKO AHO NIHO MBONERA AMAGAMBO Y’UBUGINGO
WA MUGORE WARI UGIYE GUTERWA AMABUYE, AGEZE IMBERE YAWE ABONA UBUZIMA, NI KOKO IMBERE YAWE NTA RUPFU RUHABA, HAHIRWA ABIBERA MU BIKARI BYAWE ITEKA MANA KUKO AHO NIHO ABERA BAHEMBUKIRA

KANDI UKO URYA MUNSI URUSHAHO KUTWEGERA, NATWE ABE ARIKO

TURUSHAHO GUTERANA KWERA YESU AZASANGE TUKIRI MU BYIZERWA

IMBERE YAWE, IMBERE YAWE, IMBERE YAWE…IMBERE YAWE MANA NI HEZA NI HEZA

IMBERE YAWE, IMBERE YAWE, IMBERE YAWE… NIHO TUGUBWA NEZA TUKAMUHIMBAZA

IMBERE YAWE, IMBERE YAWE, IMBERE YAWE…IBYARI IMISOZI BIHINDUKA AMATABA

AHO NIHO TWE TWIFUZA KWIBERA ITEKA N’ITEKA MANAX2

10.KUVA MBAYEHO

KUVA MBAYEHO, SINDIGERA MBONA, KUVA MBAYEHO SINDIGERA NUMVA, UWITEKA YIBAGIRWA ABE, NTAWE UMWIZERA UJYA AKORWA N’ISONI, NTAWE UMUKORERA NGO YIKORERE AMABOKO, HABE NAMBA

CHORUS: DAWIDI ATI NARI UMUSORE, ARIKO DORE NONE NDASHAJE, SINDABONA

UMUKIRANUTSI YICWA N’INZARA, CYANGWA URUBYARO RWE RUSABIRIZA, HABE

NAMBA. IMANA IMANA IKORA IBYO KWERA, IMANA IMANA IRAHARI

AHUBWO IMANA YO IMUHAZA UBWIZA, AGAHWANA N’IGITI CYATEWE K’UMUGEZI, NTA KIBASHA KUMUTERA UBWOBA, KUKO YACIWE NK’IMANZI MU KIGANZA CY’IMANA, NAHO AMAKUBA YAKWISUKIRANYA, UWITEKA ARAMUKIZA.

IYO YAKINZE NTA MUNTU UKINGURA, IYO IKINGUYE NTAWE UKINGA, IFITE BYOSE MU KIGANZA CYAYO, NGWINO IRAGUFASHA, IRAGUFASHA

11. MU NZU Y’UWITEKA

CHORUS: NANJYE NZABA MU NZU Y’UWITEKA, IMINSI YOSE YO KUBAHO KWANJYE,

SINZAREKA KWIRINGIRA YESU KUKO UWO MWAMI NIWE BYIRINGIRO BY’UKURI.

UWITEKA NIWE BUHUNGIRO BWANJYE, NTACYO NZAKENA KANDI NTACYO NZATINYA. ANJYANA IRUHANDE RW’AMAZI ADASUMA, ANSUBIZA INTEGE MU BUGINGO BWANJYE.
NARI MU MWIJIMA YESU AWUNKURAMO NARI MU ISAYO Y’IBYAHA YESU ARANSAYURA. NAHORAGA NIJIMYE NUZUYE AGAHINDA NTA N’IBYIRINGIRO NA BIKE NARI MFITE.
AMAHORO WABUZE YESU ARAYATANGA, MUHE UMUTIMA WAWE ARAKURUHURA. MU BIBAZO BYAWE WIHERERE USENGE, WIKUKA UMUTIMA YESU ASHOBORA BYOSE.

12. IHANE

CHORUS: IHANE EH EH HINDUKIRA UREKE IBYAHA BYAWE, IHANE EH EH HINDUKIRA UREKE

IBYAHA.

DORE UMUNSI W’UWITEKA, URAJE UZANYE N’UBURAKARI BW’INKAZI. GUHANA ABANYABYAHA BOSE, UBAHORA GUKIRANIRWA KWABO, NIYO MPAMVU ISI N’IJURU BIZAHINDA UMUSHYITSI, KUBW’UMUJINYA W’IMANA
NI KUKI MURUSHYA UMWUKA W’IMANA. MUKANGA KUMVIRA UWITEKA IMANA YANYU, UWITEKA NTAZAHORA ARUHANYA NATWE ABANTU, NIMUGARUKIRE UWITEKA, NAWE AZABAGARUKIRA, KANDI MUZABA MU BWOKO BWE.